രാജ്യത്തെ ആദ്യത്തെ വെള്ളത്തിനടിയിലൂടെയുള്ള മെട്രോ ട്രെയിൻ സർവീസ് കൊൽക്കൊത്തയിൽ ആരംഭിച്ചു. പ്രധാനമന്തി മാർച്ച് 6 നു ഇത് ഉത്ഘാടനം ചെയ്തു. തുടർന്ന് മെട്രോ ട്രെയിനിൻ്റെ വാണിജ്യ സേവനങ്ങൾ മാർച്ച് 15 മുതൽ കൊൽക്കത്തയിൽ ആരംഭിച്ചു
തുരങ്കത്തിൻ്റെ നദിക്ക് താഴെയുള്ള ഭാഗത്തിന് 45 സെക്കൻഡ് സമയമെടുത്താണ് മെട്രോ ട്രെയിൻ 520 മീറ്റർ നീളമുള്ള ദൂരം മുറിച്ചുകടക്കുന്നത്. നദിക്കടിയിലൂടെയുള്ള ഈ യാത്ര നയനമനോഹരമാണ്.
ഹൗറ മൈതാനം മുതൽ എസ്പ്ലനേഡ് വരെയുള്ള സെക്ഷനിൽ തിങ്കൾ മുതൽ ശനി വരെ പ്രതിദിനം 130 സർവീസുകൾ ലഭ്യമാകും. 12-15 മിനിറ്റ് ഇടവേളകളിൽ രണ്ട് ദിശകളിലേക്കും ട്രെയിനുകൾ ഓടിക്കുമെന്ന് മെട്രോ റെയിൽവേ പുറത്തിറക്കിയ പ്രസ്താവനയിൽ പറയുന്നു.
2017 ആണ് തുരങ്ക നിർമാണം മെട്രോ തുടങ്ങിയത്. ഹൗറ മൈതാനം മുതൽ എസ്പ്ലനേഡ് വരെയുള്ള ഈസ്റ്റ്-വെസ്റ്റ് മെട്രോയുടെ 4.8 കിലോമീറ്റർ ദൈർഘ്യം 4,965 കോടി രൂപ ചെലവിലാണ് നിർമ്മിച്ചതെന്ന് മെട്രോ റെയിൽവേ പുറത്തിറക്കിയ പ്രസ്താവനയിൽ പറയുന്നു.
