അന്താരാഷ്ട്ര എയർലൈൻ വിപണിയിൽ ഇൻഡിഗോ മൂന്നാം സ്ഥാനം നേടിയിരിക്കുന്നു.
കഴിഞ്ഞവർഷം ആറാം സ്ഥാനത്ത് നിന്നിരുന്നിടത്തു നിന്നാണ് ഈ വർഷം ശക്തമായ വളർച്ച നേടിക്കൊണ്ട് മൂന്നാം സ്ഥാനം കമ്പനി കരസ്ഥമാക്കിയിരിക്കുന്നത്.
കഴിഞ്ഞയാഴ്ച ഓഹരി വിപണിയിൽ വലിയ നേട്ടം കൈവരിക്കാൻ സഹായിച്ചതാണ് കുത്തനെയുള്ള ഈ കുതിച്ചുചാട്ടത്തിന് കാരണം. കഴിഞ്ഞ ദിവസങ്ങളിൽ 5% ത്തോളം കമ്പനിയുടെ ഓഹരി വില ഉയരുകയുണ്ടായി.
അമേരിക്കൻ കമ്പനിയായ ഡെൽറ്റ എയർ, അയർലണ്ടിലെ റൈനെയര്‍ ഹോള്‍ഡിംഗ്സ് എന്നീ എയർലൈൻ കമ്പനികളാണ് നിലവിൽ വിപണിയിൽ ഒന്നും രണ്ടും സ്ഥാനങ്ങൾ കൈവശം വെച്ച് ഇൻഡിഗോയ്ക്ക് മുകളിൽ നിൽക്കുന്നത്.
