പലിശനിരക്ക് കുറയ്ക്കാൻ ഉടൻ സാധ്യതയില്ല - ആർ ബി ഐ ഗവർണർ

അടുത്തമാസം നടക്കുന്ന ധന അവലോകന യോഗത്തിൽ പലിശനിരക്ക് കുറയ്ക്കുന്നതിനെക്കുറിച്ചുള്ള കാര്യം തല്ക്കാലം അജണ്ടയിലില്ലെന്നു വ്യക്തമാക്കി ആർ ബി ഐ ഗവർണർ ശക്തികാന്ത ദാസ്.

ഉയർന്ന നാണയപ്പെരുപ്പവും  സാമ്പത്തിക മേഖലയിലെ അനശ്ചിതത്വവും  ഇപ്പോഴും പ്രധാന വെല്ലുവിളികളായി തുടരുന്നു എന്ന് അദ്ദേഹം ഓർമിപ്പിച്ചു.

ഇന്ത്യൻ ബാങ്കിംഗ് മേഖലയെ  വളരെ സൂക്ഷ്മമായി ആർ ബി ഐ  നിരീക്ഷിച്ചു വന്നുകൊണ്ടിരിക്കുകയാണെന്നും    പ്രശ്‌നം എവിടെ കണ്ടാലും നടപടിയെടുക്കുമെന്നും ഗവർണർ പറഞ്ഞു. 

രാജ്യം 2024-25  സാമ്പത്തിക വർഷത്തിൽ  7.2 ശതമാനം വളർച്ചാ നിരക്ക് കൈവരിക്കുമെന്നും  ജിഡിപി വളർച്ച 8 ശതമാനത്തിലേക്ക്  നീങ്ങുമെന്നും അദ്ദേഹം ഒരു ടെലിവിഷൻ ചാനലിന് നൽകിയ അഭിമുഖത്തിൽ കൂട്ടിച്ചേർത്തു.