ഇന്ത്യൻ വിപണിയിൽ ഇപ്പോൾ ഇലക്ട്രിക് കാറുകളുടെ ഒരു വിപ്ലവം തന്നെ നടന്നുകൊണ്ടിരിക്കുമ്പോൾ വിപണിയിൽ പുതുമ അവതരിപ്പിച്ചുകൊണ്ട് ഒരു കൊച്ചു കാർ രംഗപ്രവേശം ചെയ്യാൻ പോകുന്നു.
രണ്ടു സീറ്റുള്ള ഒരു ഇലക്ട്രിക് കാർ ആണിത്. ബുള്ളറ്റിനേക്കാൾ വലിപ്പം കുറഞ്ഞ ഈ കാറിൽ രണ്ടുപേർക്കു സുഖമായി സഞ്ചരിക്കാൻ സാധിക്കും എന്നാണ് കമ്പനി അവകാശപ്പെടുന്നത്.
ഈ കാറിനു എല്ലാവിധ സുരക്ഷാ മാനദണ്ഡങ്ങളുടെയും പരീക്ഷങ്ങൾ നടത്തി അനുമതി ലഭിച്ചതായി കമ്പനി അറിയിച്ചു.
ദൈനംദിന യാത്രകൾക്കു ബുള്ളറ്റുകൾ പോലെ ഉപയോഗിക്കാൻ സാധിക്കുന്നതാണ് ഈ കാർ. അതുപോലെ ചെറുതായതിനാൽ പാർക്കിങ്, ഡ്രൈവിംഗ് എന്നിവയ്ക്ക് വലിയ ബുദ്ധിമുട്ടു ഉണ്ടാവുകയുമില്ല.
ഒറ്റ ചാർജിങ്ങിൽ ഏകദേശം 90 കിലോമീറ്റർ സഞ്ചരിക്കാൻ കഴിയുന്ന ഈ കാറിനു ബാറ്ററി ഫുൾ ചാർജ് ആകാൻ 5 മണിക്കൂർ സമയം എടുക്കും. മണിക്കൂറിൽ 60 കിലോമീറ്റർ ആണ് ഇതിന്റെ പരമാവധി വേഗത.
എല്ലാവിധ ടെസ്റ്റുകളും പൂർത്തീകരിച്ച റോബിൻ ഇലക്ട്രിക് മൈക്രോ കാർ 2025 മുതൽ വിപണിയിൽ ഇറക്കും എന്നാണ് കമ്പനി അറിയിക്കുന്നത്. 2 ലക്ഷം രൂപയാണ് ഇതിന്റെ വില.
